Þetta heimili er stíliserað af einum uppáhalds sænska innanhússstílistanum mínum, henni Pellu Hedeby! Það eru fáir sem hafa jafn gott auga og hún fyrir hönnun, litasamsetningu, uppröðun og bara heimilum yfir höfuð. Ég tók einmitt viðtal við hana fyrir næsta tbl. Nude Magazine sem kemur út mjög fljótlega…
Stílisering: Pella Hedeby / Ljósmyndari: Kristofer Johnson
Eruð þið að trúa því að það búi enginn þarna! Mér finnst eitthvað svo áhugavert við það að stílisera heilar íbúðir bara fyrir það að selja þær betur, þá erum við að tala um að hver hlutur frá a-ö er sóttur í fjölmargar verslanir til að ná sem bestu útkomunni. Ef að íslenskir fasteignasalar myndu nú uppgötva þetta…;)
Ég er annars bara á fullu að sanka að mér innblæstri fyrir næstu íbúð, ég er með smá áhyggjur yfir því hvort ég muni fá víðáttubrjálæði til að byrja með þegar við stækkum svona við okkur. En mögulega…. bara mögulega, kíki ég þá bara í búðir og fæ mér nokkra hluti af óskalistanum.
Ég ætla mér að fara í smá Pellu Hedeby fíling þegar ég flyt í lok mánaðar og koma mér loksins 100% fyrir, ég hef hingað til aldrei klárað að koma mér fyrir og er t.d. núna ekki ennþá búin að negla neina nagla í veggi svo flestar myndirnar liggja í bunkum uppvið vegg, nema þær sem fengu að fara upp á þessa þrjá nagla sem voru hér fyrir! Eðlilegt eftir 8 mánuði.
-Svana